添加收藏 | 设为首页
法院概况 | 新闻中心 | 法学思想 | 法官风采 | 法苑文化 | 裁判文书 | 普法天地 | 专题报道 | 开庭公告 | 法律法规
  当前位置:维文裁判文书

توXنىڭ بىر پارچە ئوغۇرلۇق دېلوسى

1- سوت جىنايى ئىشلار ھۆكۈمنامىسى

2016-12-09 17:20:13


شىنجاڭ ئۇيغۇر ئاپتۇنۇم رايۇنى ئاقتۇ ناھىيلىك خەلق سوت مەھكىمىسىنىڭ

جىنايى ئىشلار ھۆكۈمنامىسى

            [2016] ش 3022 ج د 55-نۇمۇرلۇق

ئەيىپلىگۈچى ئورگان ئاقتۇ ناھىيىلىك خەلق تەپتىش مەھكىمىسى

جاۋاپكار تو، Xئەر، ئۇيغۇر، 1985-يىلى 5-ئاينىڭ 25-كۈنى تۇغۇلغان، تولۇقسىز ئوتتۇرا مەكتەپ سەۋىيەسىگە ئىگە، دىھقان، ئولتۇرۇشلۇق ئورنى: قەشقەر شەھەر. ئىلگىرى سوتلۇق بولمىغان. جاۋابكار تو X2016-يىلى 3-ئاينىڭ 26-كۈنى ئوغۇرلۇق جىنايىتى گۇمانى بىلەن ئاقتۇ ناھىيلىك ج خ ئىدارىسى تەرىپىدىن توختۇتۇلۇپ، 2016-يىلى 4-ئاينىڭ 5-كۈنى ئاقتۇ ناھىيلىك ج خ ئىدارىسى تەرىپىدىن كىپىللىككە بىرىلگەن.

ئاقتۇ ناھىيلىك خەلق تەپتىش مەھكىمىسى ئا ت ئەيىپلەش [2016] 45-نومۇرلۇق ئەيىپلەشنامىسى ئارقىلىق جاۋاپكار توXنى ئوغۇرلۇق جىنايىتى ئۆتكۈزدى دەپ شىكايەت قىلىپ 2016-يىلى 5-ئاينىڭ 6-كۈنى مەھكىمىمىزگە ئەيىپلىگەن.

مەھكىمىمىز دېلونى قوبۇل قىلىپ تەكشۈرۈپ كۆرگەندىن كېيىن سوت ئېچىش شەرتىگە ئۇيغۇن دەپ قاراپ قانۇن بويىچە ئاددىي تەرتىپتە 2016-يىلى 5-ئاينىڭ 10-كۈنى ئوچۇق سوتتا قاراپ چىقتى. ئاقتۇ ناھىيلىك خەلق تەپتىش مەھكىمىسى ئەۋەتكەن تەپتىشلەردىن ئەسقەرجان تۆمۈر، دىلشات ھاكىملار سوتقا چىقىپ ئەيىپلەشنى قوللىدى. جاۋاپكار توX سوتقا كېلىپ دەۋاغا قاتناشتى. ھازىر بۇ دېلو سوت قىلىنىپ ئاياغلاشتۇرۇلدى.

ئاقتۇ ناھىيلىك خەلق تەپتىش مەھكىمىسى مۇنداق دەپ ئەيىپلەيدۇ، « جاۋپكار تو X2016-يىلى 3-ئاينىڭ 24-كۈنى ئاقتۇ ناھىيلىك ياڭاقلىق ماي قاچىلاش پونكىتى تەرەپكە كىملىكىنى كۆپەيىتكىلى كىلىپ زىيانلانغۇچى شۇ Xنىڭ ئاچقۇچ بىلەن توختۇتۇپ قويغان 2580 يۈەن قىممىتىدىكى، ئىككى چاقلىق، كۆك رەڭلىك جىن جىيەن ماركىلىق توكسىكلىتنى كۆرۈپ، توكسىكىلىتنى ئوغۇرلاپ ئاقتۇ ناھىيە بازارلىق ھۆكۈمەت 4-كەنىتتىكى ئىجارە ئۆيىگە تىقىپ قويۇپ، 2016-يىلى 3-ئاينىڭ 25-كۈنى سائەت 13:00لەر ئەتراپىدا ئوغۇرلىغان توكسىكىلىتنى مىنىپ، ئۇكىسى مXنىڭ قەشقەردىكى رىمۇنىت قىلىدىغان دۇككىنىغا ئىلىپ بارغاندىن كىيىن، دۇككاندىكى مىXغا « مىنى ئىشلەتكەن خەنزۇ 1500 يۈەن ئىش ھەققىمنى بەرمىگەن ئىدىن ماۋۇ توكسىكىلىتنى ئىش ھەققىمگە ھىساپلاپ شۇ خەنزۇدىن ئىلىپ كەلدىم، ياخشى قاراپ قويۇڭ» دەپ موتونى دۇككانغا قويۇپ، ئۆزى قەشقەردىن ئاقتۇ ناھىيە بازارلىق ھۆكۈمەت 4-كەنىتتىكى ئىجارە ئۆيىگە قايتىپ كەلگەندە، ساقچىلار تەرىپىدىن تۇتۇلغان، جاۋاپكار ئوغۇرلىغان توكسىكىلىت ئەسىلىگە كىلىپ ئىگىسىگە قايتۇرۇلۇپ زىيان ئەسلىگە كەلگەن. جاۋابكارنىڭ يۇقارقى قىلىمىشىدىن‹‹جۇڭخۇا خەلق جۇمھۇرىيىتى جىنايى ئىشلار قانۇنى››نىڭ 264-ماددىسىنىڭ بەلگۈلىمىسىگە ئاساسەن ئوغۇرلۇق قىلىش جىنايىتى شەكىللىنىدۇ، جاۋاپكارغا قانۇن بويىچە جازا بەرسەڭلار›› دەيدۇ.

جاۋاپكار تو Xسوتتا تەپتىش مەھكىمىسىنڭ ئەيىپلەشنامىسىدا بىكىتىلگەن جىنايى قىلمىشىنى ئىتىراپ قىلدى ۋە « مىنىڭ بۇ تۇنجى قىتىملىق جىنايەت ئۆتكۈزۈشۈم، بۇنىڭدىن بۇرۇن جىنايەت ئۆتكۈزۈپ باقىمىغان، جىنايىتىمدىن قاتتىق پۇشايمان قىلىدىم، سوتنىڭ كەڭچىللىك بىلەن بىر تەرەپ قىلىشىنى سورايمەن» دەپ ئۆزىنى ئاقلىدى.

جاۋابكارنىڭ يۇقارقى قىلمىشىنى ئىسپاتلايدىغان ئىسپاتلاردىن 1-يازما ئىسپات 1) ئاقتۇ ناھىيلىك ج خ ئىدارىسى جىنايى ئىشلار چوڭ ئەتىرىتى چىقارغان جاۋابكارنىڭ نوپۇس ئىسپاتى؛2) ئاقتۇ ناھىيلىك ج خ ئىدارىسى جىنايى ئىشلار چوڭ ئەتىرىتىنىڭ 2016-يىلى 3-ئاينىڭ 25-كۈنىدىكى دېلونىڭ پاش بولۇش جەريانى؛3) ئاقتۇ ناھىيلىك ج خ ئىدارىسى جىنايى ئىشلار چوڭ ئەتىرىتىنىڭ تۇتۇپ قالغان ۋە قايتۇرۇپ بەرگەن بۇيۇملارنىڭ تىزىملىكى؛ 2-زىيانلانغۇچنىڭ بايانى 1) زىيانلانغۇچى شۈ Xنىڭ 2016-يىلى 3-ئاينىڭ 24-كۈنىدىكى بايانى؛ 3-جاۋاپكارنىڭ ئىقرارى 1) جاۋابكار توXنىڭ 2016-يىلى 3-ئاينىڭ 25-كۈنىدىكى، ۋە 27-كۈنىدىكى سوراق خاتىرىسىدىكى ئىقرارى؛ 4-گۇۋاھچىنىڭ گۇۋاھلىقى- گۇۋاھچى مىXنىڭ 2016-يىلى 3-ئاينىڭ 28-كۈنىدىكى بايانى؛ 5-باھالاش پىكىرنامىسى ئاقتۇ ناھىيلىك تەرەققىيات ۋە ئىسلاھات كومىتېتىنىڭ باھالاش يەكۈنى؛ 6-نەق مەيدان سۈرىتى ۋە نەق مەيدان تەكشۈرۈش خاتىرىسى قاتارلىق دەلىل-ئىسپاتلار ئىساتلاپ بىرىدۇ. يۇقارقى ئىسپاتلارنى جاۋاپكار سوت ئۈستىدە ئىتىراپ قىلدى، ھەم مەھكىمىمىز بۇ دەلىل-ئىسپاتلارنىڭ كۈچىنى بىكىتىدۇ.

مەھكىمىمىز مۇنداق قارىدى: جاۋاپكار توXنىڭ دۆلەت قانۇنى كۆزگە ئىلماي باشقىلارنىڭ مال-مۈلكىنى ئوغۇرلىغان قىلمىشىدىن ئوغۇرلۇق قىلىش جىنايىتى شەكىللىنىدۇ. تەپتىش مەھكىمىسنىڭ جاۋاپكار ئۈستىدىن ئېلىپ بارغان شىكايىتىنىڭ پاكىت ۋە قانۇن ئاساسى بار قوللاشقا بولىدۇ. جاۋاپكارنىڭ ئۆزىنى ئاقلاپ ئوتتۇرىغا قويغان ئاقلاش پىكىرىنىڭ ھېچقانداق پاكىت ۋە قانۇن ئاساسى يوق. جاۋابكارنىڭ ئوغۇرلۇق جىنايىتىگە جازا بەرگەندە جاۋابكارنىڭ تۇنجى قىتىم جىنايەت ئۆتكۈزگەنلىكى، زىياننىڭ ئەسلىگە كەلگەنلىكى، جىنايىتىنى تونۇپ تۆۋە قىلىش ئىپادىسىنىڭ ياخشى ئىكەنلىكى قاتارلىق تەرەپلەرنى كۆزدە تۇتۇپ «جۇڭخۇا خەلق جۇمھۇرىيىتى جىنايى ئىشلار قانۇنى» نىڭ 264-ماددىسى، 72-ماددىسى 52-ماددىسىنىڭ بەلگىلىمىسىگە ئاساسەن تۆۋەندىكىچە ھۆكۈم قىلىندى:

1. جاۋاپكار توXنىڭ ئوغۇرلۇق جىنايىتى ئۈچۈن ئۈچ ئايلىق تۇتۇپ تۇرۇپ ئەمگەككە سىلىش جازاسى بىرىلىپ، جازاسى ئالتە ئاي كىچىكتۈرۈلدى. قوشۇمچە 1000 يۈەن جەرىمانە قويۇلدى.

جاۋاپكارنىڭ جازاسىنى كىچىكتۈرۈپ سىناش مۇددىتى ھۆكۈم بىكىتىلگەن كۈندىن باشلاپ ھىسابلىنىدۇ.

ئەگەر بۇ ھۆكۈمگە قايىل بولمىسا ھۆكۈمنامىنى تاپشۇرۇپ ئالغان كۈننىڭ ئەتىسدىن باشلاپ ئون كۈن ئىچىدە مەھكىمىمىز ئارقىلىق ياكى بىۋاستە قىزىلسۇ قىرغىز ئاپتۇنۇم ئوبلاسلىق ئوتتۇرا خەلق سوت مەھكىمىسگە نارازىلىق ئەرز بىرىشكە ھوقۇقلۇق (نارازىلىق ئەرز بەرگەندە ئەرز خېتىنىڭ ئەسلى نۇسقىسدىن ئىككى نۇسقا، كۆچۈرمىسدىن بىر نۇسقا جەمئى ئۈچ نۇسقا تاپشۇرۇشى شەرت).

     

           سوتچى خۇرشىدە ھەبىبۇللا

                           

      2016-يىلى 5-ئاينىڭ 10-كۈنى

            

           پۈتۈكچى مامۇتقان مەمەتجان

公 告

  一、本裁判文书库公布的裁判文书由相关法院录入和审核,并依据法律与审判公开的原则予以公开。若有关当事人对相关信息内容有异议的,可向公布法院书面申请更正或者下镜。
  二、本裁判文书库提供的信息仅供查询人参考,内容以正式文本为准。非法使用裁判文书库信息给他人造成损害的,由非法使用人承担法律责任。
  三、本裁判文书库信息查询免费,严禁任何单位和个人利用本裁判文书库信息牟取非法利益。
  四、未经许可,任何商业性网站不得建立与裁判文书库及其内容的链接,不得建立本裁判文书库的镜像(包括全部和局部镜像),不得拷贝或传播本裁判文书库信息。
新疆阿克陶县法院网
关闭窗口
地址:阿克陶县人民东路170号:   邮编:845550:  

Copyright© 2019 All right reserved 新疆维吾尔自治区高级人民法院版权所有 新ICP备16001863号-2